Eenpan lasagne

As jy van lasagne hou maar nie kans sien vir al die moeite nie, is hierdie eenpan-lasagne presies wat jy nodig het! 🍲 Hierdie resep is propvol geure – van ryk tamatiesous tot gesmelte kaas – en alles word in een pan gemaak vir maksimum gemak.
Met eenvoudige bestanddele en ’n paar vinnige stappe, is hierdie gereg ideaal vir weeksdae of selfs ’n luilekker naweekete. Dit is troosvoedsel op sy beste, met minimale moeite en maksimum smaak.
Print Recipe Pin Recipe
Course Dinner, Lunch, Main Course

Ingredients
  

  • 2 eetlepels olie
  • 1 ui gekap
  • 1 knoffelhuisie gekap
  • 500 g maalvleis
  • 1 blik tamatie en uie
  • 1 kop bees aftreksel
  • 1 Bottel Marty's Bloody Mary/250ml aftreksel
  • sout
  • peper
  • 125 g pasta
  • kaas gerasper
  • 1 teelepel cacao Opsioneel

Instructions
 

  • Verhit die olyfolie in 'n diep pan en voeg die ui en knoffel by. Kook tot sag.
  • Voeg die maalvleis by en kook vir 5 minute tot bruin.
  • Voeg die tgeblikte tamatie, beesvleisaftreksel, cacao, peper en sout by. Kook vir 10 minute.
  • Voeg jou pasta by en meng goed. Voeg die bloody mary/aftreksel ook by.
  • Plaas die deksel op en kook vir 10 minute.
  • Gooi die kaas oor en maak toe met ‘n deksel en wag tot die kaas gesmelt is
  • Bedien warm

Notes

Voeg opgekapte/gevriesde groente by vir nog meer voedingswaarde